Visa Fraud Case: വിസ തട്ടിപ്പില്‍ ഒരാള്‍ അറസ്റ്റില്‍, ഇന്‍സ്റ്റഗ്രാം ഇന്‍ഫ്ലുവെന്‍സറായ അന്ന ഗ്രേസും പ്രതി; വിവിധ സ്റ്റേഷനുകളിലായി നാല് എഫ്ഐആറുകള്‍
Visa Fraud Case വയനാട്: വിസ തട്ടിപ്പില്‍ ഒരാള്‍ അറസ്റ്റില്‍. കൽപ്പറ്റ സ്വദേശി ജോൺസനാണ് അറസ്റ്റിലായത്. ഇന്‍സ്റ്റഗ്രാം ഇന്‍ഫ്ലുവെന്‍സര്‍ അന്ന ഗ്രേസിന്‍റെ ഭര്‍ത്താവാണ് ജോണ്‍സണ്‍. അന്നയും കേസില്‍ പ്രതിയാണ്. ഇവർ മുൻകൂർ ജാമ്യഹര്‍ജിയുമായി കോടതിയെ സമീപിച്ചിട്ടുണ്ട്. സംസ്ഥാനത്ത് വിവിധ സ്റ്റേഷനുകളിലായി ഇവർക്കെതിരെ നാല് എഫ്ഐആർ നിലവിലുണ്ട്. യുകെയിലേക്ക് കുടുംബവിസ ശരിയാക്കി നൽകാമെന്ന് വിശ്വസിപ്പിച്ച് തിരുവനന്തപുരം സ്വദേശിയിൽനിന്ന് അരക്കോടിയോളം രൂപ തട്ടിയെന്ന കേസിലാണ് അറസ്റ്റ്. ഓട്ടിസം ബാധിച്ച കുട്ടിക്ക് യു.കെ.യിൽ മികച്ച ചികിത്സാസൗകര്യം ഒരുക്കിനൽകുമെന്നും കുടുംബത്തോടൊപ്പം അവിടെ താമസിക്കാമെന്നും ഇവര്‍ വാഗ്ദാനം നൽകിയായിരുന്നു. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/JGXpFJkG5M08N0ztj5I0Em സോഷ്യൽ മീഡിയ വഴിയാണ് ഇൻഫ്ലുവൻസറെ പരിചയപ്പെട്ടതെന്ന് പരാതിക്കാരി പറഞ്ഞു. കോഴിക്കോട് ആസ്ഥാനമായാണ് അന്ന പ്രവർത്തിച്ചുവരുന്നത്. വ്ളോഗറായ അന്ന യൂട്യൂബ്, ഇൻസ്റ്റാഗ്രാം അക്കൗണ്ടുകൾ വഴി വിദേശജോലി വാഗ്ദാനം ചെയ്ത് തട്ടിപ്പ് നടത്തിയതടക്കം വേറെയും കേസുകളിൽ പ്രതിയാണ്. തട്ടിപ്പ് സംഘത്തിൽ വേറെയും ആളുകളുള്ളതായി പോലീസിന് സൂചനയുണ്ട്.
Comments (0)