Extreme Cold in Kuwait: തണുത്ത് വിറയ്ക്കും; അതിശീതാവസ്ഥയെ വരവേല്‍ക്കാന്‍ കുവൈത്ത്
Extreme Cold in Kuwait കുവൈത്ത് സിറ്റി: ജിസിസി മേഖലയിലെ പല രാജ്യങ്ങളും അതിശീതകാലാവസ്ഥയെ വരവേല്‍ക്കാന്‍ ഒരുങ്ങുകയാണ്. കുവൈത്ത് ഉള്‍പ്പെടെയുള്ള രാജ്യങ്ങള്‍ തണുപ്പിന്‍റെ പിടിയിലാകുമെന്ന് അധികൃതര്‍ മുന്നറിയിപ്പ് നല്‍കി. കുവൈത്ത് സിറ്റിയിലെ ഏറ്റവും കുറഞ്ഞ താപനില നാല് മുതൽ അഞ്ച് ഡിഗ്രി സെല്‍ഷ്യസ് വരെ ആയിരിക്കും. മരുഭൂമിയിൽ താപനില പൂജ്യത്തിലേക്ക് അടുക്കുമെന്ന് കാലാവസ്ഥാ നിരീക്ഷകൻ ഫഹദ് അൽ ഒതൈബി പറഞ്ഞു. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/JGXpFJkG5M08N0ztj5I0Em ഈ ആഴ്ചയുടെ മധ്യത്തിൽ താപനിലയിൽ പ്രകടമായ കുറവുണ്ടായിട്ടുണ്ടെന്നും രാജ്യത്ത് മഞ്ഞുവീഴ്ചയ്ക്കുള്ള സാധ്യത ദുർബലമാണെന്നും അദ്ദേഹം അറിയിച്ചു. മേഖലയിലെ പല രാജ്യങ്ങളും അസ്ഥിരമായ കാലാവസ്ഥയും അതിശീതാവസ്ഥയെയും നേരിടും. വടക്ക് ഇറാഖിലെ ഉയർന്ന പ്രദേശങ്ങളിൽ മഞ്ഞ് വീഴാൻ തുടങ്ങിയിട്ടുണ്ട്. ഇറാഖ്, ജോർദാൻ, സിറിയ, ലെബനൻ തുടങ്ങിയ രാജ്യങ്ങളിലെല്ലാം തണുപ്പ് അനുഭവപ്പെടും. ഈ രാജ്യങ്ങളിൽ പർവതങ്ങളിൽ മഞ്ഞ് വീഴാനും സാധ്യതയുണ്ട്. ഇന്നലെ ഉച്ചയ്ക്ക് ശേഷം (ഞായർ) രാജ്യത്ത് താപനില ഗണ്യമായി കുറയുമെന്ന് അദ്ദേഹം ചൂണ്ടിക്കാട്ടി.
Comments (0)