Udan Cafe: വിമാനത്താവളത്തില്‍ ചായക്ക് വെറും 10 രൂപ, വരുന്നൂ രാജ്യവ്യാപകായി…
Udan Cafe വിമാനത്താവളത്തിലെ റെസ്റ്റോറന്‍റുകളില്‍ നിന്നും കഫേകളില്‍ നിന്നും ഭക്ഷണത്തിന് തീ വിലയാണ്. അതിനാല്‍, പുറത്തുനിന്നും ഭക്ഷണം കഴിച്ചാണ് ഭൂരിഭാഗം പേരും വിമാനത്താവളത്തിനുള്ളിലേക്ക് പ്രവേശിക്കുന്നത്. എന്നാല്‍, വളരെ കുറഞ്ഞ വിലയില്‍ ഭക്ഷണം നല്‍കുന്ന കഫേയുമുണ്ട്, ഉഡാന്‍ കഫേ. ഇപ്പോള്‍ ചെന്നൈ വിമാനത്താവളത്തിലും പ്രവര്‍ത്തനം ആരംഭിച്ചിരിക്കുകയാണ്. കേന്ദ്ര സിവില്‍ ഏവിയേഷന്‍ മന്ത്രി റാം മോഹന്‍ നായിഡു ആണ് കഫേ ഉദ്ഘാടനം ചെയ്തത്. കഴിഞ്ഞവര്‍ഷം ഡിസംബറില്‍ കൊല്‍ക്കത്ത വിമാനത്താവളത്തില്‍ ആരംഭിച്ച ഉഡാന്‍ കഫേ വലിയ വിജയമായിരുന്നു. പദ്ധതി രാജ്യത്താകമാനം വ്യാപിപ്പിക്കാനാണ് സര്‍ക്കാര്‍ പദ്ധതിയിടുന്നത്. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/JGXpFJkG5M08N0ztj5I0Em അടുത്ത ഉഡാന്‍ കഫേ ഡല്‍ഹി വിമാനത്താവളത്തില്‍ തുടങ്ങാന്‍ ഒരുങ്ങുകയാണ്. ചായയ്ക്ക് വെറും 10 രൂപയാണ് ഇവിടെ ഈടാക്കുന്നത്. ചെന്നൈ വിമാനത്താവളത്തിലെ ഒന്നാം ടെര്‍മിനലില്‍ ചെക്കിംഗ് ഏരിയക്ക് സമീപത്തായാണ് ഉഡാന്‍ കഫേ സ്ഥിതി ചെയ്യുന്നത്. 10 രൂപക്ക് കുടിവെള്ളവും ചായയും 20 രൂപക്ക് കോഫി, സമൂസ, മധുരപലഹാരം എന്നിവയാണ് ഈ കഫേകളില്‍ ലഭിക്കുക. എല്ലാതരം യാത്രക്കാര്‍ക്കും വിമാനത്താവളത്തില്‍നിന്ന് ലഘുഭക്ഷണം നല്‍കാന്‍ ഉദേശിച്ചാണ് കഴിഞ്ഞവര്‍ഷം മുതല്‍ ഉഡാന്‍ യാത്രി കഫേകള്‍ തുടങ്ങിയത്. ഉഡാന്‍ കഫേയ്ക്ക് ചെന്നൈ പരന്തൂരിലെ വിമാനത്താവളത്തിന് അധികം വൈകാതെ ഭരണാനുമതി ലഭിക്കുമെന്ന് മന്ത്രി റാം മോഹന്‍ നായിഡു മാധ്യമങ്ങളോട് വ്യക്തമാക്കി.
Comments (0)