Drug Trafficking in Kuwait: മദ്യം, മയക്കുമരുന്ന് കടത്ത് തടയൽ; നടപടികൾ ശക്തമാക്കി കുവൈത്ത്, ഇന്ത്യക്കാര്‍ ഉള്‍പ്പെടെ അറസ്റ്റിൽ
Drug Trafficking in Kuwait കുവൈത്ത് സിറ്റി: രാജ്യത്ത് മയക്കുമരുന്ന്, മദ്യക്കടത്ത് തടയുന്നതിനുള്ള നടപടികള്‍ ശക്തമാക്കി കുവൈത്ത്. ഇതിന്‍റെ ഭാഗമായി, ജനറൽ ഡിപ്പാർട്ട്‌മെന്‍റ് ഫോർ ഡ്രഗ് കൺട്രോൾ പ്രതിനിധീകരിക്കുന്ന ക്രിമിനൽ സെക്യൂരിറ്റി സെക്ടർ, ഇറക്കുമതി ചെയ്ത മദ്യവും സൈക്കോട്രോപിക് വസ്തുക്കളും രാജ്യവ്യാപകമായി വിതരണം ചെയ്ത നാലംഗസംഘത്തെ വിജയകരമായി പിടികൂടി. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/DWYuVYzKCPv55M5K73vnDP ലഭിച്ച രഹസ്യവിവരങ്ങളുടെ അടിസ്ഥാനത്തിൽ, പബ്ലിക് പ്രോസിക്യൂഷനിൽനിന്ന് നിയമപരമായ അനുമതി നേടിയശേഷം, രണ്ട് കുവൈത്ത് പൗരന്മാർ, ഒരു സൗദി പൗരൻ, ഒരു ഇന്ത്യൻ പൗരൻ എന്നിവരെ അറസ്റ്റ് ചെയ്തു. ഓപ്പറേഷനിൽ, ഇറക്കുമതി ചെയ്ത 919 കുപ്പി മദ്യവും ഏകദേശം 200 സൈക്കോട്രോപിക് ഗുളികകളും അധികൃതർ പിടിച്ചെടുത്തു. ഇവയോടൊപ്പം പ്രതികളെയും കൂടുതൽ നിയമനടപടികൾക്കായി ഡ്രഗ് ആൻഡ് ആൽക്കഹോൾ പ്രോസിക്യൂഷൻ ഓഫീസിന് കൈമാറി.
Comments (0)