OCEANMEDIAS.COM

Kuwait Airways Flights Disrupts കുവൈത്ത് സിറ്റി: ലണ്ടന്‍ ഹീത്രു വിമാനത്താവളത്തില്‍ വൈദ്യുതി മുടങ്ങിയതിനെ തുടര്‍ന്ന് കുവൈത്ത് എയര്‍വേയ്സ് വിമാനസര്‍വീസുകള്‍ തടസപ്പെട്ടു. യുകെ സമയം അർദ്ധരാത്രി വരെ എല്ലാ ഇൻബൗണ്ട്, ഔട്ട്ബൗണ്ട് വിമാനങ്ങളും നിർത്തിവച്ചതായും കുവൈത്ത് എയർവേയ്‌സ് റിപ്പോർട്ട് ചെയ്തു. മാർച്ച് 21 വെള്ളിയാഴ്ച ഷെഡ്യൂൾ ചെയ്തിരുന്ന KU102/01, KU103/KU104 എന്നീ വിമാനങ്ങള്‍ തടസപ്പെട്ടു. ഹീത്രോ വിമാനത്താവളത്തിലെ ബന്ധപ്പെട്ട അധികാരികളുമായി ഏകോപിപ്പിച്ച് കുവൈത്ത് എയർവേയ്‌സ് സ്ഥിതിഗതികൾ സജീവമായി നിരീക്ഷിച്ചുവരികയാണ്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KpmqRbHQBz88D2o8Opt0Oe വിമാന സർവീസുകൾ തടസപ്പെട്ട യാത്രക്കാർ എയർലൈനിന്‍റെ ഉപഭോക്തൃസേവന കേന്ദ്രവുമായി ബന്ധപ്പെടാൻ നിർദേശിച്ചു. കുവൈത്തിനുള്ളിലെ കോളുകൾക്ക് 171 എന്ന നമ്പറും അന്താരാഷ്ട്ര കോളുകൾക്ക് 00965-24345555 എന്ന നമ്പറും എക്സ്റ്റൻഷൻ 171 എന്ന നമ്പറുമാണ് വിളിക്കേണ്ടത്. അല്ലെങ്കിൽ, യാത്രക്കാർക്ക് 00965-22200171 എന്ന നമ്പറിൽ വാട്ട്‌സ്ആപ്പ് വഴി എയർലൈനുമായി ബന്ധപ്പെടാം.