OCEANMEDIAS.COM

missing; ഗൾഫിൽ നിന്ന് പെരുന്നാൾ ആഘോഷിക്കാൻ ദിവസങ്ങൾക്ക് മുൻപ് നാട്ടിലെത്തിയ യുവതിയേയും മകളേയും കാണാതായ സംഭവത്തിൽ വഴിത്തിരിവ്. യുവതിയും മക്കളും വീട്ടിൽ നിന്ന് വീട് വിട്ടിറങ്ങി ഡൽഹിയിലേക്ക് കടക്കുകയായിരുന്നു. കഴിഞ്ഞ ശനിയാഴ്ചയാണ് ഇവർ വീടുവിട്ടിറങ്ങിയത്. ഹാഷിദ, മക്കളായ ലുക്മാൻ, മെഹ്‌റ ഫാത്തിമ എന്നിവരെ കഴിഞ്ഞ ദിവസം രാത്രിയോടെ ഡൽഹിയിൽ നിന്ന് കണ്ടെത്തി. ഭർത്താവ് സക്കീറിനൊപ്പം ഖത്തറിലായിരുന്നു മൂവരും. മക്കൾക്ക് പെരുന്നാളിനോടനുബന്ധിച്ച് വസ്ത്രം എടുക്കാനുണ്ടെന്ന് പറഞ്ഞാണ് യുവതി വീട്ടിൽ നിന്നും ഇറങ്ങിയത്. പിന്നീട് ഇവരെ കാണാതാവുകയായിരുന്നു. പൊലീസ് നടത്തിയ അന്വേഷണത്തിൽ ഇവർ ട്രെയിൻ മാർഗ്ഗം യശ്വന്ത്പൂരിലേക്ക് പോയതായി കണ്ടെത്തി. തുടർന്ന് എടിഎം കൗണ്ടറിൽ നിന്ന് 10,000 രൂപ പിൻവലിച്ച ശേഷം മറ്റൊരു ട്രെയിനിൽ ഡൽഹിയിലേക്ക് തിരിച്ചതായും കണ്ടെത്തി.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ
https://chat.whatsapp.com/JZ8fAb0yk6NKrx7sPwIpwT  ഭാര്യയേയും കുട്ടികളേയും കാണാതായ വിവരം അറിഞ്ഞതിനെ തുടർന്ന് ഖത്തറിൽ നിന്ന് സക്കീർ ഡൽഹിയിൽ എത്തി. തുടർന്ന് നടത്തിയ തെരച്ചിലിൽ ഹാഷിദയെയും മക്കളെയും കണ്ടെത്തുകയായിരുന്നു. സക്കീർ തന്നെയാണ് ഇവരെ കണ്ടെത്തിയതായി പൊലീസിനെ വിളിച്ചറിയിച്ചത്. ഡൽഹിയിലേക്ക് പുറപ്പെടാനിരുന്ന അന്വേഷണ സംഘം ഇതോടെ യാത്ര ഉപേക്ഷിക്കുകയായിരുന്നു. മൂന്ന് പേരെയും സ്റ്റേഷനിൽ ഹാജരാക്കാൻ ഉദ്യോഗസ്ഥർ സക്കീറിനോട് ആവശ്യപ്പെട്ടിട്ടുണ്ട്. കൂടുതൽ വിവരങ്ങൾ അതിന് ശേഷമേ വ്യക്തമാകൂ എന്ന് പൊലീസ് അറിയിച്ചു. യുവതിയേയും കുട്ടികളേയും സ്റ്റേഷനിൽ ഹാജരാക്കാൻ ആവശ്യപ്പെട്ടിട്ടുണ്ട്. യുവതിയുടെ ഭർത്താവ് സക്കീറിനോട് മൂന്ന് പേരെയും സ്റ്റേഷനിൽ ഹാജരാക്കാൻ ആവശ്യപ്പെട്ടിട്ടുണ്ട്.