OCEANMEDIAS.COM

Ya Hala Shopping Festival കുവൈത്ത് സിറ്റി: കുവൈത്തിൽ യാ ഹല ഷോപ്പിങ് ഫെസ്റ്റിവൽ ആഘോഷത്തിന്‍റെ ഭാഗമായി ഏർപ്പെടുത്തിയ ആഡംബര വാഹന സമ്മാന പദ്ധതിയിലെ ഒന്ന് മുതൽ ഏഴു വരെയുള്ള പ്രതിവാര നറുക്കെടുപ്പിൽ മലയാളികളും വിജയികളായി. അഞ്ച് മലയാളികളാണ് വിജയികളായത്. ആദ്യ ആഴ്ചയിലെ നറുക്കെടുപ്പിൽ ബിജു കുഞ്ഞു ( കൂപ്പൺ നമ്പർ 02085011) എന്നയാൾക്ക് Volks Wagen TROC വാഹനം സമ്മാനമായി ലഭിച്ചു. മൂന്നാം വാരത്തിലെ നറുക്കെടുപ്പിൽ ജെയിംസ് ചാക്കോ ( കൂപ്പൺ നമ്പർ കെജി 0348197) എന്നയാൾക്ക് Jaguar E pace വാഹനവും ആറാം വാരത്തിൽ സുരേഷ് ( കൂപ്പൺ നമ്പർ 09334136) എന്നയാള്‍ക്ക് Range Rover Evogue വാഹനവുമാണ് സമ്മാനമായി ലഭിച്ചത്. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/CLMhNAYo6WLEatV4kyMfyX ഏഴാം വാര നറുക്കെടുപ്പിലെ പന്ത്രണ്ട് വാഹനങ്ങളിൽ രണ്ടെണ്ണവും മലയാളികള്‍ക്കാണ് ലഭിച്ചത്. ജാസിർ സെയ്ദലവി ( കൂപ്പൺ നമ്പർ F202054) എന്നയാൾക്ക് Luxus RX350 വാഹനവും അനീഷ് കുര്യൻ ജോർജിനു( കൂപ്പൺ നമ്പർ KP 07966119 ) Magerati Grecale GT വാഹനവും സമ്മാനമായി ലഭിച്ചു. സാങ്കേതിക കാരണങ്ങളാൽ എട്ടാം വാര നറുക്കെടുപ്പ് ഫലം റദ്ധാക്കിയിരുന്നു. ഒമ്പത്, പത്ത് വാരങ്ങളിലെ നറുക്കെടുപ്പ് ഇന്നലെ ആക്റ്റിങ് പ്രധാനമന്ത്രിയുടെ നേരിട്ടുള്ള മേൽനോട്ടത്തിലാണ് നടന്നത്.

INFO