കുവൈറ്റിൽ പൊടികാറ്റ്; നിർദ്ദേശം നൽകി അധികൃതർ
കുവൈറ്റിൽ മണൽക്കാറ്റിനൊപ്പം ശക്തമായ തണുപ്പും. താമസക്കാർക്ക് നിർദ്ദേശം നൽകി അധികൃതർ. പൊടിക്കാറ്റ് ശക്തമായി വീശിയത്തോടെ തിരശ്ചീന ദൃശ്യപരത ഒരു കിലോമീറ്ററിൽ താഴെയായി, ചില പ്രദേശങ്ങളിൽ ഏതാണ്ട് പൂജ്യം വരെയായി എന്ന് കുവൈറ്റ് കാലാവസ്ഥാ വകുപ്പ് അറിയിച്ചു. വാഹനമോടിക്കുന്നവർ ജാഗ്രത പാലിക്കണമെന്ന് ആഭ്യന്തര മന്ത്രാലയം പൊതുജനങ്ങളോട് അഭ്യർത്ഥിച്ചു.
റോഡുകളിലെ മണൽക്കൂമ്പാരങ്ങൾക്ക് സമീപം പോകുന്നത് ഒഴിവാക്കുക, വാഹനങ്ങൾക്കിടയിൽ സുരക്ഷിതമായ അകലം പാലിക്കുക, മൊബൈൽ ഫോണുകൾ ഉപയോഗിക്കുന്നത് നിർത്തുക, വാഹനങ്ങളുടെ ജനാലകൾ അടയ്ക്കുക എന്നിവ ഡ്രൈവർമാർ ശ്രദ്ദിക്കണമെന്ന് മന്ത്രാലയത്തിന്റെ ജനറൽ ഡയറക്ടറേറ്റ് ഓഫ് സെക്യൂരിറ്റി റിലേഷൻസ് ആൻഡ് മീഡിയയുടെ പ്രസ്താവനയിൽ പറയുന്നു. സഹായത്തിനായി ഈ കാണുന്ന 112 നമ്പറിൽ വിളിക്കാം.
Comments (0)