Robotic Surgery; ഇത് ചരിത്ര നേട്ടം;7000 കിലോമീറ്ററിലേറെ ദൂരെ നിന്ന് കുവൈറ്റ് ആരോഗ്യ മന്ത്രാലയത്തിന് കീഴിൽ അഞ്ച് റോബോട്ടിക് ശസ്ത്രക്രിയകൾ നടത്തി
Robotic Surgery; കുവൈറ്റ് ആരോഗ്യ മന്ത്രാലയത്തിന് ഇത് ചരിത്ര നേട്ടം. 7000 കിലോമീറ്ററിലേറെ ദൂരെ നിന്ന്, തുടർച്ചയായി അഞ്ച് റോബോട്ടിക് ശസ്ത്രക്രിയകൾ വിജയകരമായി നടത്തിയാണ് കുവൈറ്റ് ആരോഗ്യമന്ത്രാലയം ലോക റെക്കോർഡിൽ ഇടം നേടിയത്. കുവൈറ്റിലെ സബാഹ് അൽ അഹ്മദ് മെഡിക്കൽ സെന്ററിലാണ് ശസ്ത്ര ക്രിയകൾ നടന്നത്. ചൈനയിലെ ഷാങ്ഹായിയിൽ നിന്ന് ‘MedBot’ എന്ന അത്യാധുനിക ശസ്ത്രക്രിയാ റോബോട്ടിന്റെ സഹായത്തോടെയാണ് കുവൈത്തി സർജൻ ഡോ. സഅദ് അൽ ദോസരിയ ശസ്ത്രക്രിയകൾക്ക് നേതൃത്വം വഹിച്ചത്. വൃക്ക, പ്രോസ്റ്റേറ്റ് എന്നീ അവയങ്ങളിൽ അർബുദ മുഴകൾ ബാധിച്ച അഞ്ചു രോഗികളിലാണ് ശസ്ത്രക്രിയ നടത്തിയത്. പൂർണമായും ത്രിമാന ദൃശ്യസൗകര്യത്തോടെ, ഏറെ കൃത്യതയോടെയായിരുന്നു ശസ്ത്രക്രിയ. ഏറ്റവും കുറഞ്ഞ രക്തസ്രാവ നിരക്കിൽ രോഗികൾ അതിവേഗം സുഖം പ്രാപിക്കുന്ന രീതിയിലാണ് ശാസ്ത്രക്രിയ നടത്തിയത്. രാജ്യത്ത്, ഇതിനകം ത്നനെ1800 ൽ അധികം റോബോട്ടിക് ശസ്ത്രക്രിയകൾ നടത്തിയതായി ആരോഗ്യമന്ത്രാലയം അറിയിച്ചു. ആരോഗ്യ മന്ത്രാലയത്തിലേ വിവിധ ആശുപത്രികളിൽ ഏഴിലധികം റോബോട്ടിക് ശസ്ത്രക്രിയ ഉപകരണങ്ങളാണ് നിലവിലുള്ളതെന്നും മന്ത്രാലയം വ്യക്തമാക്കി.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/FdVLka9eucS8c0Q2tA9bu1
Comments (0)