OCEANMEDIAS.COM

Kuwait Education Ministry Crisis കുവൈത്ത് സിറ്റി: പ്രതിസന്ധി നേരിട്ട് കുവൈത്തിലെ വിദ്യാഭ്യാസമേഖല. സീനിയർ, മിഡിൽ മാനേജ്‌മെൻ്റ് തലങ്ങളിൽ 293ലധികം ഒഴിവുകളാണുള്ളത്. സൂപ്പർവൈസറി, ലീഡർഷിപ്പ് തസ്തികകൾ നികത്തുന്നതിൽ അഭൂതപൂർവമായ പ്രതിസന്ധിയാണ് വിദ്യാഭ്യാസമന്ത്രാലയം നിലവില്‍ മന്ത്രാലയം നേരിടുന്നത്. അണ്ടർസെക്രട്ടറി, അസിസ്റ്റൻ്റ് അണ്ടർ സെക്രട്ടറിമാർ, ഡിപ്പാർട്ട്‌മെൻ്റ് ഡയറക്ടർമാർ, സൂപ്പർവൈസർമാർ, സ്‌കൂൾ ഡയറക്ടർമാർ, അസിസ്റ്റൻ്റ് ഡയറക്ടർമാർ, മെയിൻ ഓഫീസ്, വിദ്യാഭ്യാസ ജില്ലകൾ, കേന്ദ്ര വകുപ്പുകൾ എന്നിവിടങ്ങളിലെ യൂണിറ്റ് മേധാവികൾ തുടങ്ങിയ സുപ്രധാന സ്ഥാനങ്ങൾ ഈ ഒഴിവുകളിൽ ഉൾപ്പെടുന്നെന്ന് വൃത്തങ്ങൾ വെളിപ്പെടുത്തി. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/JGXpFJkG5M08N0ztj5I0Em എല്ലാ മേഖലകളിലും വിദ്യാഭ്യാസജില്ലകളിലും മന്ത്രാലയത്തിന് കാര്യമായ ഭരണ അസ്ഥിരത അനുഭവപ്പെടുന്നുണ്ടെന്ന് വൃത്തങ്ങൾ പറഞ്ഞു. ഡിപ്പാർട്ട്‌മെൻ്റ് ഡയറക്ടർമാർ, സൂപ്പർവൈസർമാർ, യൂണിറ്റ് മേധാവികൾ, ഗൈഡൻസ് ടീമുകൾ എന്നിവയുൾപ്പെടെ വിവിധ തസ്തികകളിൽ ഈ തടസം അനുഭവപ്പെടുന്നുണ്ട്. നിലവിലുള്ള റൊട്ടേഷനും ഔദ്യോഗിക നിയമനങ്ങളില്ലാത്ത അസൈൻമെൻ്റ് തീരുമാനങ്ങളും മോശമാക്കിയതായി വൃത്തങ്ങൾ കൂട്ടിച്ചേർത്തു. ഈ നടപടികൾ ഭരണപരമായ വെല്ലുവിളികൾ കൂടുതൽ വഷളാക്കുകയും മന്ത്രാലയത്തിൻ്റെ കാര്യക്ഷമമായ പ്രവർത്തനത്തെ തടസപ്പെടുത്തുകയും ചെയ്തെന്ന് വൃത്തങ്ങൾ വ്യക്തമാക്കി.