OCEANMEDIAS.COM

Safety Threat Kuwait Airport കുവൈത്ത് സിറ്റി: കുവൈത്ത് അന്തർദേശീയ വിമാനത്താവളത്തിന് സമീപമുള്ള പക്ഷികളുടെ സങ്കേതം വിമാനയാത്രികർക്ക് സുരക്ഷാഭീഷണി ഉയർത്തുന്നതായി റിപ്പോർട്ട്. വിഷയത്തിൽ പരിഹാരം ആവശ്യപ്പെട്ടുകൊണ്ട് ജനറൽ അഡ്മിനിസ്‌ട്രേഷൻ ഓഫ് സിവിൽ ഏവിയേഷൻ ബന്ധപ്പെട്ട അധികാരികൾക്ക് പരാതി നൽകി. ഇതേതുടർന്ന്, പരിസ്ഥിതി സംരക്ഷണ പൊതു സമിതി, കുവൈത്ത് നഗരസഭ എന്നീ ഏജൻസികളുടെ നേതൃത്വത്തിൽ അടിയന്തിര യോഗം ചേർന്നു. യോഗത്തില്‍ വിമാനത്താവളത്തിലെ റൺവെയിൽ പക്ഷികൾ കൂട്ടംകൂടുന്നത് മൂലമുണ്ടാകുന്ന പ്രശ്‌നങ്ങള്‍ വ്യോമഗതാഗതത്തെ പ്രതികൂലമായി ബാധിക്കുകയും യാത്രക്കാരുടെ സുരക്ഷയ്ക്കും ജീവനും ഭീഷണിയുയർത്തുന്നതായും വിലയിരുത്തി. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയുവാൻ വാട്സ്ആപ്പ് ഗ്രൂപ്പിൽ ഇപ്പോൾ തന്നെ അംഗമാകൂ https://chat.whatsapp.com/JGXpFJkG5M08N0ztj5I0Em
വിമാനത്താവളത്തിന്‍റെ റൺവേക്ക് സമീപം സ്ഥിതി ചെയ്യുന്ന മരങ്ങളിലാണ് പക്ഷികൾ സങ്കേതമാക്കിയിരിക്കുന്നത്. ഇവ മുറിച്ചു മാറ്റുക, റൺവേയുടെ 6.4 കിലോമീറ്റർ അകലെ സ്ഥിതി ചെയ്യുന്ന മാർഡാം സെവൻത് റിങ് റോഡിന് തെക്ക് ഭാഗത്തേക്ക് മാറ്റുക, സമീപത്തെ മാലിന്യങ്ങൾ ദൈനംദിന അടിസ്ഥാനത്തിൽ നീക്കം ചെയ്യുക, സമീപത്തെ ഫാക്ടറികളിൽ നിയന്ത്രണം കർശനമാക്കുക, ജിലീബ് അൽ-ഷുയൂഖിൽ സ്ഥിതി ചെയ്യുന്ന അറവുശാല വിമാനത്താവളത്തിൽ നിന്ന് ദൂരെയുള്ള മറ്റൊരു സ്ഥലത്തേക്ക് മാറ്റുക തുടങ്ങിയവ യോഗത്തിൽ പരിഹാരമാർഗങ്ങളായി നിർദേശിച്ചു.